شعر خلاص يعني

مدخل غرامي

القلب شال الحـب والحـب شالـهمدخل غرامي والأحاسيـس حولـه
وضاع الفكر ما بين حالـه وحالـهواسهل حلوله صارت أصْعَبْ حلوله
الحِسِنْ لي يفـرض علينـا سؤالـهكيف الربيع امتـد لاربـع فصولـه
كيف ابتداه الحِسْن ثـم انتهـى لـهيا لين حتى الحسـن منّـه خذوالـه
وانـا اتخيّـل فـي خيالـي خيالـهفرصة عمر تحت ابتسامـة طفولـه
غرٍ صفا حسنه وقلبـي صفـا لـهسهل التمنّي بس صعـبٍ وصولـه
يحتار فيـه اللـي يوصّـف دلالـهويهين به لي عن جماله حكـوا لـه
يخجل جماله مـن صفـاوة جمالـهويغيـظ ربّـات العيـون الخجولـه
يمشي معاهـم بـس كنّـه لحالـهمعهم ولكن كن هم لي مشـوا لـه
والي تعرّض فـي مرامـي نبالـهوالله ما يكسـب ولا ربـع جولـه
عادل ولكـن مـا برمشـه عدالـهيظلـم مجبّينـه برمشـه وطـولـه
أصلاً جنوني بس في حَـب خالـهوشلون لا باوصف تفاصيل زولـه
إن قـال صَـدّي.. قلـت: لله قالـهوان قال وصلي قلـت: بالله قولـه
هذا الذي قلبي مـن الشـوق شالـهمدخل غرامي والأحاسيـس حولـه

شعر سمو الشيخ حمدان بن محمد بن راشد آل مكتوم "فزاع"

قراءة مدى

دنيـا ودانـي مواطيـهـا ترفّعـهـاوالقرم يرقى بعزمه عـن مواطيهـا
القرم يفرض عليهـا أمـر واقعهـايجرح دروبه لاجل يرجـع يداويهـا
يرقى واذا ضاقت دْروبـه يوسّعهـاويعق فيها مع انّـه مـا طمـع فيهـا
لان المطامـع يثيـر الشـك دافعهـامثل الفَعَى يوم تسمع نـاي حاويهـا
لا هو سمعهـا ولا قصـده يسمّعهـاولا قصده إلاَّ تناظـر ميـل راعيهـا
يطلـع بطلعـه ولكـن مـا يطلّعْهـابعض المظاهر تزخرف لك مراميهـا
وشلون ألوم المظاهر والعذر معهـاوالعقربي ما قـدر يكشـف لياليهـا
أهل المطامع تغطّـي لـك مطامعهـاوالوقت يقـدر يبيّـن لـك مغازيهـا
من حكّم الظن فـي الدنيـا يضيّعهـاومن حكّم العقل يكسب فـي تواليهـا
ومن أشعل النار لا يامِنْ مواضعهـا(النار ما تحرق إلاَّ رجـل واطيهـا)
والنار أطفت وانا ما اريـد أوَلّعهـاواذا ارجعت ولّعت أرْجَعْ واطَفّيهـا
والبسمه اللي لذيذ الزيـف وزّعهـاأقـرا مداهـا واترجمهـا وامشّيهـا
وِحْروف ما بين الاسطر سهل تجمعهالكن من الصعب تستوعـب معانيهـا
قليل من يدرك الفرصـه ويصنعهـايجـري بمبـداه والدنيـا يجاريـهـا
بعض الفرص تغتنمني لاجل أضيّعهاواصنع فرص تغتنم من طيب راعيها
هذا وانا اعزّ نفسي فـي تواضعهـاواقـدّر النـاس قاصيهـا و دانيهـا
والناس ما تحفل اللي مـا يصانعهـاوتعيب في بعضها لو كـان غاليهـا
تنسى وتذكر علـوم اللـي يطابعهـاواذا اختفى يختفي عن ذكر طاريهـا
تتبع خطا من هـو يْحَـاوِلْ يمتّعهـاوتقول مـا لا تكنّـه فـي خوافيهـا
والناس تشكـي لحاميهـا مواجعهـاوشلون لو صار حاميهـا حراميهـا

شعر سمو الشيخ حمدان بن محمد بن راشد آل مكتوم "فزاع"

ندى الريحان

يوم أقْبَلت تخطب ندى الريحان لطف وخفّهما كنّها إلاّ الصبح يوم أقْبَلْ يجـرّ أقدامـه
تحفة حسن من حولها غيمـة غـلا ملتفّـهكل الحلا محبوس بيـن أقدامهـا والهامـه
كَنّ الثغر منها نهر والاَّ الشفايـف ضفّـهما شفت في عمري نهر له ضفّـةٍ بَسَّامـه
يحتار فيها من نظر لو هو صِدَقْ في وصفهويكذّبه لي ما نظر واللي نِظَرْ مـا لامـه
تحفة حسن لاقت بعين اللي يعرف التحفـهويسوم عمره لاجلها لولا الغلا مـا سامـه
بعض الصدف فيها حلا يا ما حلا هالصدفهوشلون ما يرتاح لي صادف فتاة أحلامـه
ويزفّهـا بايقـاع هـادي للحنايـا زفّــهويعيش معها ما بقى له من جميـل أيّامـه
وِيْعَاتِبْ أوَّلْ سِيْنها لانّـه تصـدَّرْ حرفـهمع ان أوَّل اسمهـا سينـه تصـدَّرْ لامـه

شعر سمو الشيخ حمدان بن محمد بن راشد آل مكتوم "فزاع"

خلاص يعني كل شَيّ انتهى وراح خلاص يعني مـا بقينـا حبايـب
يعني وعودك كلها كانـت مْـزاحوالاّ انت ما لك في المحبّه رغايب
وين العهود ووين لحظات الافراحيعني تلاشت مع هبـوب الهبايـب
القلب بعدك من له اليـوم يرتـاحمن بعد ما هو في محبّتْـك ذايـب
ياما على شانك تحمّلت الاجـراحوياما جروحي من صدودك عطايب
سرقتني عن جملة الناس يا صـاحوالفكـر عنـدك ماخذنّـه نهايـب
خِلّك يحبّك يا بَعَـدْ سِيْـد المْـلاحإن رحت عنّه راودنّـه مصايـب
خَلّك معه دام الهوى حيل نضّـاحوالواش رِدّه يا هوى البال خايـب